२०२२को विश्व कप फाइनलमा फ्रान्सलाई पेनाल्टीमा पराजित गर्दै अर्जेन्टिनाले उपाधि जितेको थियो भने उक्त जितमा अर्जेन्टिनाका गोलकिपर इमिलियानो मार्टिनेजको भूमिका निकै ठुलो रहेको थियो र हाल जित पछि उनले फ्रेन्च युवा स्टार एम्बाप्पेको मजाक उदाएको भिडियो भाइरल हुँदै गएको छ।
विश्व कपको उपाधि जिते पछि अर्जेन्टिनाका खेलाडीहरू ड्रेसिङ रुममा गीत गाउँदै सेलेब्रेट गर्ने क्रममा अर्जेन्टिनाका गोलकिपर इमिलियानो मार्टिनेजले “एम्बाप्पेको लागि एक मिनेट मौन” भन्दै मजाक उडाए भने हाल सो भिडियो सामाजिक सञ्जालमा निकै भाइरल हुँदै गएको छ।
अर्जेन्टिनाका खेलाडीहरूले फिफा विश्वकप जितेको खुसी मनाउँदै गीत गाउँदै गर्दा, मार्टिनेजले एमबाप्पेलाई क्षणभरमा ट्रोल गर्नका लागि यसलाई रोकिदिए। एस्टोन भिल्ला गोलकीपरले फ्रान्सेली स्टारका लागि एक मिनेट मौनताको लागि सोधे, रमाईलो र आफ्ना देशवासीहरूबाट नयाँ शोर उत्प्रेरित गरेका हुन्। उल्लेखनीय रूपमा, अर्जेन्टिनाका गोलकिपर फ्रान्सेली फरवार्डले दक्षिण अमेरिकी फुटबलको बारेमा वर्षको सुरुमा गरेको टिप्पणीबाट खुसी थिएनन्। त्यतिखेर, पीएसजी सुपरस्टारले दक्षिण अमेरिकाको फुटबल युरोपको फुटबल जत्तिकै उन्नत नभएको बताएका थिए।
फाइनल खेलमा एम्बाप्पेले ह्याट्रिक गर्दै आफ्नो टिमलाई दुई पटक बराबरीमा लगे पनि पेनाल्टीमा अर्जेन्टिनाले जित हासिल गर्दै उपाधि जितेको हो। पेनाल्टीमा गोलकिपर इमिलियानो मार्टिनेज चम्किदा अर्जेन्टिनाले बाजी मार्यो ।अर्जेन्टिनाका लियोनल मेस्सी, पाउलो डिबाला, लिन्द्रो पाराडेस र गोन्जालो मोन्टीले पेनाल्टीमा गोल गरे ।फ्रान्सका केलियन एमबाप्पे र रान्डेल कोलो मुवानीले मात्र पेनाल्टीमा गोल गरे ।
तर, किन्सले कोम्यान र अरुलिन चुवामेनी गोल गर्न चुके । कोम्यानको पेनाल्टी अर्जेन्टिनाका गोलकिपर मार्टिनेजले बचाए भने चुवामेनीको प्रहार बाहिरिएको थियो ।त्यसअघि खेलमा सुरुआती अग्रता अर्जेन्टिनाले बनाएको थियो ।
अतिरिक्त समयमा समेत दुबै टोलीले थप एक एक गोल गरेको थियो ।खेलको १०९ औं मिनेटमा मेस्सीले र खेलको ११८ औं मिनेटमा एमबाप्पेले पेनाल्टीमार्फत गोल गर्दै ह्याट्रिक पूरा गर्दै फ्रान्सलाई ३-३ गोलको बराबरीमा ल्याएका थिए ।त्यसपछि दुबै टोलीले थप गोल गर्न सकेनन् र खेल पेनाल्टीमा गएको थियो ।
