काठमाडौं । भाग्य जहिले पनि बदलिन सक्छ । एउटी महिलासँग पनि यस्तै भएको छ । घरबाट बिस्कुट किन्न निस्किएकी महिला १० करोडको चिठ्ठा जितेर फर्किएकी छन् । १३०० रुपैयाँ खर्चेर उनले लटरीको टिकट किनेर १० करोड रुपैयाँ जितेकी थिइन् । महिलाले कर कटाएर साढे ६ करोड रुपैयाँ प्राप्त गरेकी छन् ।
अमेरिकाको उत्तरी क्यारोलिनाको विल्सन निवासी डोना डेन्टनले सेप्टेम्बर २३ मा फ्रिमन्ट फुड मार्टबाट ‘ट्रिपल ७७७ लटरी टिकट’ किनिन्। डोनाले भनिन् कि उनी वास्तवमा बिस्कुट किन्न गएकी थिइन्, तर उनले अचानक लटरी टिकट किन्ने निर्णय गरिन् । जब उनले यो लटरी टिकट स्क्र्याच गरिन्, उनको भाग्य बदलियो, उनले यो टिकटबाट करिब १० करोड रुपैयाँ (७ लाख डलर)को ज्याकपोट जितिन्।
डोनाले आफ्नो भाग्यमा विश्वास गर्न सकिनन्, त्यसैले उनी घर गइन् र आफ्नो पतिलाई लटरी जितेको दोहोरो जाँच गर्न भनिन्। डोनाका पतिले पनि विजयको पुष्टि गरे। त्यसपछि डोनाले लटरी कम्पनीसँग सम्बन्धित व्यक्तिहरूसँग सम्पर्क गरि आफू विजेता भएको बताएकी थिइन् ।
फ्रेमन्ट फूड मार्टले पनि यो टिकट डोनालाई बेचेको पुष्टि गर्यो। डोनाले यो पैसा आवश्यक काममा प्रयोग गर्ने बताइन् । उनले भनिन्- हामी खुसी थियौं तर अहिले धेरै खुसी छौं। यही पुरस्कार रकमले गर्दा क्रिसमस राम्रो भएको छ। यो एक आशीर्वाद हो। डोनाले आफूले जितेको रकमको केही स्थानीय चर्चलाई दान गर्ने बताइन्। ट्रिपल ७७७ खेल स्क्र्याचकार्ड लटरी डिसेम्बर मा उत्तरी क्यारोलिना राज्य लोटरी द्वारा शुरू गरिएको थियो।
यस वर्षको अगस्टमा पनि अमेरिकाको युनियनभिलमा एक महिलाले अचानक चिठ्ठाको टिकट किनेर ८ करोडको पुरस्कार जितेकी यस्तै एउटा घटना सार्वजनिक भएको थियो । तारा नामकी यी महिला आफ्नो अफिस जाँदै थिइन्, उनले युनियनभिलको थ्री कर्नर मार्केटमा केही बिस्कुट किनेकी थिइन् । यस क्रममा उनले ८ करोडको पुरस्कार राशिको टिकट पनि किनेकी थिइन् । यसपछि ती महिलाले यो टिकट स्क्र्याच गरिन् र उनी करोडौंको मालिक बनिन् ।
