दाङ ।घोराही कारागारमा कैद भुक्तान गरिरहेका कैदी प्रहरीकै मोटरसाईकल लिएर भागेका छन्। बन्दीका ‘नाईके’ समेत रहेका यमराज परियार प्रहरीको मोटरसाईकलसहित फरार भएका हुन् ।
छालामा समस्या भएको भन्दै उपचारको ‘बहाना’ मा प्रहरी जवान धनवहादुर चौधरीको मोटरसाईकल चढेर राप्ती स्वास्थ्य बिज्ञान प्रतिष्ठान पुगेका परियारी अस्पताल परिसरबाट फरार भएका हुन् ।
एक प्रहरीजवानसहित अन्य पाँच जनाको मिलोमतोमा कैदी यमराज परियारलाई भगाइएको खुलेपछि डिएसपीको मुकुन्द रिजाललको कमाण्डमा प्रहरी परिचालन गरिएको एसपी सुरेश काफ्लले बताए ।
जिल्ला प्रहरी प्रमुख काफ्लेका अनुसार बिहीवार उपचारका लागि अस्पताल लगिएको अवस्थामा प्रहरीकै मोटरसाइकल लिएर फारर भएको घटनामा संलग्न प्रहरीजवानसहित ४ जना नियन्त्रणमा लिइएको छ ।
फरार कैदीको भने खोजी कार्य भइरहेको प्रहरी प्रमुख काफ्लले बताए । प्रहरी जवान चौधरीलाई हिजो नै हिरासतमा राखिएको थियो । आज थप दुई जनालाई पक्राउ गरिएको छ । उनीहरुको नाम भने खुलाइएको छैन ।
कर्तव्य ज्यान मुुद्धामा २० वर्ष कैद तोकिएका राजपुर गाउँपालिका ३ घर भएका २९ वर्षीय यामराज परियार छाला उपचार गर्न बिहीबार राप्ती स्वास्थ्य विज्ञान प्रतिष्ठान घोराहीमा पुगेको अवस्थामा प्रहरीकै मोटरसाइकल लिएर भागेका थिए ।
परियारलाई उपचार गर्न लगेका प्रहरी जवान धनबहादुर चौधरीको लु ३१ प ४१० नम्बरको १५० सीसीको निलो कालो पल्सर मोटरसाइलसहित अस्पतालबाट भागेपछि हिजोदेखि नै प्रहरी परिचालन गरी खोजी कार्य तीव्र पारिएको छ । तस्विर : प्रतिनिधात्मक/गुगल