पोखरा, काठमाडौं । यति एयरलाइन्सको विमान आइतबार पोखरामा दुर्घटना भएको छ । काठमाडौंबाट पोखराका लागि बिहान उडेको यतिको एटिआर–७२ विमान अन्तर्राष्ट्रिय विमानस्थलमा अवतरण हुनुअघि नयाँगाउँमा दुर्घटनामा परेको प्रारम्भिक जानकारी आएको जिल्ला प्रहरी कार्यालय कास्कीका प्रहरी निरीक्षक ज्ञानबहादुर खड्काले बताए ।
उक्त विमान यति एयरलाइन्सका वरिष्ठ क्याप्टेन कमल केसीले उडाएका थिए । ७२ यात्रु क्षमताको एटीआर विमानमा कति यात्रु थिए र कति क्षति भएको छ भन्नेबारे यकिन भइसकेको छैन ।
दुर्घघटना स्थलबाट अहिलेसम्म २० जनाको शव निकालिएको प्रहरीले जनाएको छ।काठमाडौंबाट पोखराका लागि उडेको ९एन-एनसी एटीआर ७२ जहाज नयाँ अन्तर्राष्ट्रिय एयरपोर्टमा अवतरण गर्ने क्रममा दुर्घटनामा परेको हो।
जहाजमा ३ शिशु, ३ बालबालिका र ६२ वयस्क यात्रुहरू गरि ६८ जना सवार रहेका थिए।पहिलेको एयरपोर्ट र अहिलेको नयाँ अन्तर्राष्ट्रिय एयरपोर्ट बीचमा अवस्थित सेती किनारमा खसेर जहाज दुर्घटना भएको यति एयरलाइन्सका प्रवक्ता सुदर्शन बर्तौलाले पुष्टि गरेका छन्।
उनका अनुसार जहाजमा यात्रु ६८ जना र चार जना चालक दलका सदस्य थिए। अहिले घटनास्थलमा उद्धार कार्य जारी छ।जहाजमा आगो लागेको छ। आगोको मुस्लो निकै माथिसम्म देखिएको छ। जहाज क्याप्टेन कमल केसीले उडाएका थिए।
