सन्दिप लामिछाने विरुद्धको मुद्दामा सर्वोच्चले फागुन १२ गते सुनुवाइ गर्ने !

काठमाडौँ । नाबालिग बलात्कारको अभियुक्त क्रिकेटर सन्दीप लामिछानेलाई थुनामै राखेर मुद्दा किनारा लगाउनुपर्ने मागसहित सर्वोच्च अदालतमा परेको निवेदनमाथि फागुन १२ गते सुनुवाइ तोकिएको छ ।

सर्वोच्च अदालतका प्रवक्ता विमल पौडेलका अनुसार नाबालिग बलात्कारको अभियुक्त लामिछानेलाई थुनामा राख्न माग गर्दै दायर गरिएको निवेदनमा सर्वोच्च अदालतले पाटन उच्च अदालतबाट कैफियत प्रतिवेदन झिकाएसँगै नयाँ पेशी तोकिएको हो ।

लामिछानेलाई थुनामै राखेर उनीविरुद्धको नाबालिग बलात्कार मुद्दाको प्रक्रिया अगाडि बढाउनु पर्ने माग गर्दै महान्यायाधीवक्ताको कार्यालयले सर्वोच्चमा दिएको निवेदनको सुनुवाइ सर्वोच्चमा भइरहेको छ । उच्च अदालतले पुस २८ गते लामिछानेलाई २० लाख धरौटीमा छाड्ने गरी दिएको आदेशविरुद्ध महान्यायाधीवक्ता कार्यालयले सर्वोच्च अदालतमा निवेदन दिएको थियो।