इला प्रहरी कार्यालय बुटवलका पूर्व प्रमुख प्रहरी नायब उपरीक्षक ठगबहादुर केसीको आचरणबारे छानबिन समितिले अनुसन्धान पूरा गरेको छ । समितिले केसीले सुन व्यापारीबाट सुन रितपूर्वक सुन बरामद नगरेको र आफैंले लिन खोज्ने ठगि गर्ने नियतले सुन राख्न खोजेको छानबिन समितिले निष्कर्ष निकालेको छ। ।
गत मंसिरमा केसीले बुटवलका एक व्यापारीसँग सुन बरामद गरी आफैं राखेको सूचना पाएपछि प्रहरीको केन्द्रीय अनुसन्धान ब्यूरोले पक्राउ गरेको थियो । पक्राउपछि प्रहरीले केसीलाई निलम्बन गरी अनुसन्धान थालेको छ ।
समितिले केसीलाई भ्रष्टाचार ऐनअनुसार कारबाही गर्न सिफारिस गरेको प्रतिवेदन प्रहरी महानिरीक्षक धिरजप्रताप सिंहलाई बुझाएको छ । प्रतिवेदनले सुन कानुनी भए फिर्ता गर्नुपर्ने र अवैध भए राजस्वमा बुझाउनुपर्ने सुझाव पनि दिएको छ । समितिले सुन बरामद गरेपछि केसीले प्रचलित कानुनबमोजिम आफ्नो जिम्मेवारी पूरा नगरेको समितिले जनाएको छ ।
समितिका संयोजक रहेका प्रहरी वरिष्ठ उपरीक्षक चन्द्र कुँवेर खापुङले प्रहरी महानिरीक्षक धिरजप्रताप सिंहलाई प्रतिवेदन बुझाएका हुन् । समितिको सिफारिसअनुसार थप अनुसन्धान र कारबाहीका लागि अख्तियार दुरुपयोग अनुसन्धान आयोगमा पठाइने छ ।
सिआइबीको टोलीले केसीलाई पक्राउ गर्दा बुटवलका किसान सुन व्यापारीसँग ३६ तोला ३२ रातो सुन बरामद गरेको थियो । सुन वैध हो कि अवैध हो भनेर छानबिन थालिएको हो । टोलीले केसीको निवासबाट ८ लाख ५० हजार नगद र ९ लाख ५० हजार रुपैयाँको चेक पनि बरामद गरेको थियो ।
