दिल्लीका उप–मुख्यमन्त्री मनिष सिसोदियाले भाजपाले केजरीवालको हत्या गराउन चाहेको आरोप लगाएका छन् । उनले भने, ‘आज प्रहरीको उपस्थितिमा, प्रहरीसँग भारतीय जनता पार्टीका गुण्डा मुख्यमन्त्री अरविन्द केजरीवालजीको घरमा पुगेका छन् ।
उनको घरको सिसिटिभी क्यामरा फुटाइयो । बूम ब्यारियर तोडिए र सबैकुरा प्रहरीको उपस्थितिमा भयो । भाजपाका गुन्डाले यी सबै गरेका हुन् । मनिष सिसोदियाले अरविन्द केजरीवाललाई चुनावमा हार्न नसकेको भए बिजेपीले उनलाई ध्वस्त पार्न चाहेको आरोप लगाए । यो निकै जानीबुझी गरिएको षड्यन्त्र हो ।’
पञ्जाबका मुख्यमन्त्री भगवन्तले दिल्लीका मुख्यमन्त्री अरविन्द केजरीवालको घरमा हमलालाई एक कायरतापूर्ण व्यवहारको संज्ञा दिएका छन् । उनले ट्वीट गरेर लेखे, ‘पञ्जाबमा आम आदमी पार्टीको हातले बिजेपी बौलाहेको स्पष्ट देख्न सकिन्छ ।’
भगवन्त मानले केजरीवालका ेघरमा हमला दिल्ली प्रहरीको उपस्थितिमा भएको आरोप लगाएका छन् । उनले ट्वीटरमा लेखेका छन्, ‘अब यो स्पष्ट भइसकेको छ कि भाजपालाई आप र अरविन्द केजरीवालसँग मात्रै डर लाग्छ ।’
