हावाहुरीले रोल्पाको विभिन्न स्थानमा क्षति

• एल बि मगर

७ जेष्ठ, रोल्पा । शुक्रबार साँझदेखि चलेको हावाहुरीले रोल्पाको विभिन्न स्थानमा क्षति पुर्याएको छ। हावाहुरीले रोल्पाको गङ्गादेब गाउँपालिकाको वडा न. ४ को वडा कार्यालय र स्वास्थ्य चौकिको भवनको जस्ता पाताको छानो उडाएको छ ।

यसैगरी सुनिल स्मृति गाउँपालिकाको वडा न. को हरि बहादुर पुनको घरको सबै छानो उडाएर क्षति पुर्याएको र सोही पालिकाको वडा न. २ को खुङ्ग्री गाउँका केही घरहरुको समेत छानो उडाएर क्षति पुर्याएको छ ।

हावाहुरीले जिल्लाका केही ठाँउका घर,गोठमा सामान्य क्षति पुर्याएको खबर प्राप्त भएको र कुनै मानवीय क्षति भने नभएको जिल्ला प्रहरी कार्यालय रोल्पाका प्रहरी निरीक्षक थमन जिसिले बताएका छन् ।