दक्षिण कोरियाली ब्याण्ड बीटीएसले दुई वर्षसम्म स्टेजमा पर्फम गर्न नपाउने

दक्षिण कोरियाली ब्याण्ड बीटीएसले दुई वर्षसम्म स्टेजमा पर्फम गर्न नपाउने

दक्षिण कोरियाको चर्चित ब्यान्ड समूह बीटीएसका सबै सदस्य अब छिट्टै आफ्नो देशको सेनामा भर्ना हुने भएका छन् । दक्षिण कोरियाको नियमअनुसार १८ देखि २८ वर्षसम्मका सबै युवाले सेनामा दुई वर्षको तालिम लिनुपर्ने व्यवस्था छ । एक सदस्य बाहेक सबै बीटीएस सदस्यहरू २८ वर्ष भन्दा कम उमेरका छन् । कोरियाको नियमअनुसार उनीहरूले सेनामा पनि दुई वर्षको सेवा गर्न आवश्यक रहेको छ, त्यसैले अब अर्को दुई वर्षसम्म बीटीएस सदस्यहरू स्टेजमा पर्फम गरेको देखिने छैन।

दक्षिण कोरिया सधैं युद्धक्षेत्रमा रहने देश हो, उनीहरूलाई आफ्नो छिमेकी राष्ट्र उत्तर कोरियासँग युद्धको डर सधैं रहन्छ । युद्धको अवस्थामा अधिकतम जनशक्ति चाहिने भएकाले दक्षिण कोरिया सरकारले १८ देखि २८ वर्ष उमेर समूहका प्रत्येक युवाले ३० वर्षको उमेर पूरा गर्नुअघि नै दुई वर्ष सेनामा सेवा गर्नुपर्ने नियम बनाएको छ । उही नियम अन्तर्गत बीटीएस सदस्यहरूे चाँडै आफ्नो देशको सेनामा सामेल हुनेछन्।

बीटीएस सदस्यहरू २०२५ पछि देखिने

Europass CV in Nepal

बीटीएस ब्यान्डका प्रबन्धकले भर्खरै सेनामा भर्ना हुने टोलीको बारेमा मिडियालाई भने, ‘हामी सबै ब्यान्ड सदस्यहरू उनीहरूको सैन्य सेवामा प्रतिबद्ध भएपछि २०२५ तिर पुनर्मिलन हुने आशा गर्दछौं।’ तर, दक्षिण कोरियाका केही कानून निर्माताहरूले सरकारलाई सुझाव दिएका थिए कि बीटीएसका सदस्यहरू अन्तर्राष्ट्रिय स्टार भएकाले उनीहरूलाई केही छुट दिनुपर्छ।

बीटीएस विश्वको सबैभन्दा प्रसिद्ध ब्यान्ड समूह

बीटीएस ब्यान्ड समूह विश्वको सबैभन्दा प्रसिद्ध ब्यान्ड समूह मध्ये एक हो। ‘बंगटान ब्वाइज’को रूपमा पनि चिनिन्छ, यस ब्यान्डका सदस्यहरू पनि निकै लोकप्रिय छन्। पछिल्ला दुई वर्षमा ब्यान्डका गीत सबैभन्दा बढी बिक्री भएका छन् । डायनामाइट र बटर जस्ता हिट गीतहरू बीटीएसद्वारा मात्र रेकर्ड गरिएको छ। बीटीएसका सदस्यहरू युवाहरूको मानसिक स्वास्थ्य परामर्शकालागि पनि परिचित छन्। सन् २०१० मा स्थापना भएको यो ब्याण्डले सन् २०१७ सम्म धेरै उत्कृष्ट गीतहरू बनाएर विश्व बजारमा बिक्रीको रेकर्ड तोडेको थियो ।

Europass CV in Nepal