यस्ता गोलकिपर जो गोल पोष्टमा बस्न मान्दैन थिए प्रशिक्षकसंगको छाडे क्यामरुनको राष्ट्रिय टोली
क्यामरुनका गोलकिपर आन्द्रे ओनानाले राष्ट्रिय फुटबल टोली छाँडेका छन् । गत सातामात्र कतारमा सम्पन्न विश्वकप फुटबल २०२२ को दौरान उनी प्रशिक्षकसँगको विवादमा तानिएका थिए । त्यसपछि सर्बियासँगको खेल नखेलि उनी स्वदेश फर्किएका थिए ।
राष्ट्रिय टोलिका अफिसियल र फुटबल संघसँग असहमति बढेपछि कतार छोडेर उनी स्वेदश फर्किएका थिए । त्यसपछि उनको स्थानमा डेभिस इप्पासीले खेलेका थिए ।ओनानाको खेल्ने शैलीप्रति क्यामरुनको प्रशिक्षक टोलिलाई समस्या भएपछि ओनानाले असहमति जनाएका थिए ।
प्रशिक्षक टोलि र ओनानाबिच असमझदारी बढेपछि क्यामरुनका स्टार सामुएल इटोको अध्यक्षतमा रहेको फुटबल संघले हस्तक्षेप गर्दै सम्बन्ध सुधार गर्ने प्रयास गरेको थियो । तर संघको प्रयास सफल हुन सकेन ।
प्रशिक्षक टोलिले ओनाना खेलमा निकै अघि बढेर खेलिरहेको जसले टोलिको नतिजामा फरक पर्न सक्ने भन्दै उनलाई पारम्परिक गोलकिपर झै पोष्टको रक्षामा केन्द्रित रहेर खेल्न सुझाव दिएका थिए । तर ओनानाले आफ्नो शैली ठिक रहेको र परिवर्तन नगर्ने जवाफ दिएका थिए ।
ओनानासँग समझदारी नबनेपछि संघ र टोलिले उनको नाम विश्वकपबाट हटाएको थियो । जसका कारण ओनाना घर फर्किएका हुन् । उनले सामाजिक सञ्जाल ट्वीटरमार्फत क्यामरुनको राष्ट्रिय फुटबल टिमसँगको आफ्नो यात्रा टुंगिएको लेखेका छन् । उनी इटालियन क्लब इन्टर मिलानबाट खेल्दै आएका छन् ।
