विश्वकप खेल्ने खेलाडीले नै कतारको विरोध गर्न थालेपछि फिफाले दियो यस्तो प्रतिक्रिया

फिफाले विश्वकप २०२२ मा भाग लिने सबै ३२ टिमलाई ‘फुटबलमा ध्यान केन्द्रित गर्न’ गर्न पत्र लेखेको छ। नोभेम्बर २० बाट कतारमा सुरू हुने प्रतियोगिता विवादमा परेको छ। कतारको समलिङ्गी कानुन, मानवअधिकारको रेकर्ड र आप्रवासी कामदारमाथिको व्यवहारका कारण आलोचना भइरहेको छ।

केही खेलाडीहरूले शान्तिपूर्ण विरोधको योजना बनाएका छन्।इंग्ल्यान्डका ह्यारी केन र युरोपेली टिमका अन्य नौ कप्तानले ‘वन लभ’ आर्मब्यान्ड लगाउने बताइएको छ।डेनमार्कले कतारबिरूद्धको खेलमा विरोध गर्न विश्वकपको लागि ‘टोन्ड-डाउन’ जर्सी लगाउने तयारी गरेको छ।

फ्रान्स डिफेन्डिङ च्याम्पियन भए पनि पेरिस र अन्य फ्रान्सेली शहरहरूले सार्वजनिक क्षेत्रमा विश्वकप खेल देखाउन अस्वीकार गरिरहेका छन्।अष्ट्रेलियाको टिमले कतारलाई समलिङ्गी सम्बन्धसम्बन्धी कानुन खारेज गर्न आग्रह गर्दै एउटा भिडियो सार्वजनिक गरेको छ।

युक्रेनी फुटबल संघले इरानलाई ‘मानवअधिकार उल्लघंन’ को लागि विश्वकपबाट प्रतिबन्ध लगाउन आह्वान गरेको छ।विश्वकप पहिलो पटक जाडो मौसम हुँदैछ। कतारले सुरुमा गर्मीमा वातानुकूलित बन्द स्टेडियममा आयोजना गर्ने प्रस्ताव राखेको थियो, तर उक्त योजना अस्वीकार गरिएको थियो।

कतारको विश्वकप आयोजकले ‘सबैलाई फुटबल हेर्नको लागि स्वागत छ’ भनेका छन्, र कसैलाई पनि भेदभाव नगरिने जनाएको छ।अहिले फिफाले सबै प्रतिस्पर्धी राष्ट्रहरूलाई पत्र लेखेको छ।फिफाका अध्यक्ष र महासचिवले हस्ताक्षर गरेको पत्रमा ‘अब फुटबलमा ध्यान केन्द्रित गर्न’ देशहरूलाई आह्वान गरिएको छ।

विश्वकपका लगि सात वटा नयाँ रंगशालाका साथै विमानस्थल, सडक र करिब १०० होटल निर्माण गरिएको छ। कतार सरकारका अनुसार रंगशाला निर्माणका लागि मात्रै ३० हजार विदेशी कामदारहरू राखिएको छ, जसमध्ये अधिकांश कामदार बंगलादेश, भारत, नेपाल र फिलिपिन्सका छन्।

मानवअधिकारवादी समूहले कतारमा विदेशी कामदारको उपचार र त्यहाँ मृत्यु हुनेको संख्याबारे गुनासो गरेका छन्।फेब्रुअरी २०२१ मा गार्जियनले कतारले २०१० मा विश्वकप आयोजना अधिकार पाएदेखि भारत, पाकिस्तान, नेपाल, बंगलादेश र श्रीलंकाका ६,५०० बढी आप्रवासी कामदारको मृत्यु भएको बताएको थियो।

यो संख्या कतारमा रहेका देशका दूतावासहरूले उपलब्ध गराएको तथ्यांकमा आधारित छ।यद्यपी कतार सरकारले कुल संख्या भ्रामक भएको बताएको छ। किनभने रेकर्ड गरिएका सबै मृत्युहरू विश्वकपसँग सम्बन्धित परियोजनाहरूमा काम गर्ने व्यक्तिको नभएको कतारको भनाइ छ। कतार सरकारले २०१४ देखि २०१८ बीचमा विश्वकप रंगशाला निर्माण साइटमा ३७ मजदुरहरूको मृत्यु भएको बताएको छ।