गोल्डेन बुटको दौडमा एमबाप्पे सबैभन्दा अगाडी

दाङ, १९ मंसिर । फ्रान्सेली फरवार्ड केलियन एमबाप्पेले गोल्डेन बुटको दौडमा सबै खेलाडीलाई पछाडि पारेका छन् । उनले पोल्याण्डविरूद्ध प्रि–क्वाटरफाइनलमा फ्रान्सलाई ३–१ गोलले जित दिलाउन दुई महत्वपूर्ण गोल गरे । उनले ७४ र ९१ मिनेटमा गोल गरेका थिए।

जारी विश्वकपमा उनको यो पाँचौं गोल रहेको छ । गोल्डेन बुटको दौडमा यसअघि ३ गोल गरेका अर्जेन्टिनाका लियोनल मेसी, नेदरल्याण्ड्सका केडी गाक्पो, स्पेनका अल्भारो मोराटा र इंग्ल्याण्डका मार्कुस रासफोर्ड सँगै थिए । तर, पोल्याण्डविरूद्धको खेलपछि एमबाप्पेले उनीहरुलाई पछि पारेका हुन् ।

साविक विजेता फ्रान्सका लागि चार वर्षअघि ४ गोल गरेका एमबाप्पेले २ वटा विश्वकपमा गरेर ९ गोल गरिसकेका छन् ।