काठमाडौँ। बिहीबार भएको रोमाञ्चक खेलमा नेपाली राष्ट्रिय क्रिकेट टोलीले युएईलाई पराजित गर्दै आईसीसी विश्वकप लिग–२ को ग्लोबल छनोटमा स्थान सुरक्षित गरेको छ । यो उल्लेखनीय उपलब्धि नेपालले एकदिवसीय क्रिकेटमा अहिलेसम्मकै उच्च स्कोरलाई पछ्याउँदै कुल २६९ रन बनाएपछि सम्भव भएको हो ।
एक महिनाअघि कीर्तिपुर मैदानमा नेपालले नामिबियालाई २ सय ८६ रनको लक्ष्य पछ्याएको थियो । यो जितसँगै नेपालको स्कोर ४० पुगेको छ भने यसअघि ३९ अंकसहित तेस्रो स्थानमा रहेको नामिबिया अहिले चौथो स्थानमा झरेको छ र प्लेअफ छनोटमा प्रतिस्पर्धा गर्नुपर्नेछ ।
यो उपलब्धि नेपाली क्रिकेटका लागि महत्वपूर्ण कोसेढुङ्गा हो र यसले देशभर उत्सव मनाएको छ। नेपाली टोलीको कडा मिहिनेत र समर्पणको फल पाएको छ र अब उनीहरुले आईसीसी विश्वकप लिग–२ को ग्लोबल क्वालिफायरमा प्रतिस्पर्धा गर्ने अवसर पाउनेछन् । टोलीले आफ्नो प्रभावशाली प्रदर्शनलाई जारी राख्दै आगामी खेलहरूमा राष्ट्रलाई गौरवान्वित बनाउने अपेक्षा गरिएको छ।
टस जितेर पहिलो ब्याटिङ रोजेको यूएईले पूरा ओभर खेलेर ६ विकेटको क्षतिमा ३१० रन जोडेको थियो।जवाफी ब्याटिङमा आएको नेपालले ओभरमा खेलाडी गुमाउँदै लक्ष्य पूरा गर्यो।
विशाल रन पछ्याउन आएको नेपालले खराब सुरुआत गर्यो। इनिङको तेस्रो बलमा नै ओपनर आशिफ शेख खाता नखोली आउट हुन पुगे।दोस्रो बलको सामना गर्ने क्रममा अगाडि बढेर खेल्न खोज्दा उनी स्टम्पिङ हुन पुगेका थिए। उनको स्थानमा आएका कुशल मल्ल पनि दोस्रो ओभरको तेस्रो बलमा आउट भए।
पाँच बलको सामना गरेका उनले एक चौकाको मद्दतमा ५ रन मात्र बनाउन सके। त्यसपछि गहन जिम्मेवारीका साथ कप्तान रोहित पौडेल इनिङ सम्हाल्न आएका थिए।तर उनी पनि लामो समय टिक्न सकेनन्। सातौँ ओभरमा उनी १६ रन बनाएर पवेलियन फर्किए। यति बेला नेपालले ३७ रनमा तीन खेलाडी गुमाइसकेको थियो।
त्यसपछि भीम सार्कीले महत्त्वपूर्ण रूपमा ६७ रन जोडेर नेपाली पारी उकासेका थिए। जुनेद सिद्दीकीको बलमा एलबीडब्लू आउट हुनुअगाडि उनले नौ चौका प्रहार गरे।सार्कीले आरिफ शेखसँग मिलेर पाँचौँ विकेटका लागि ८३ रनको साझेदारी गरे। धैर्यपूर्ण रूपमा क्रिजमा टिकेका आरिफले अर्ध शतक पूरा गरे। वर्षाका कारण डक वर्थ लुइसको लक्ष्य पूरा गर्ने क्रममा ठूलो शट् खेल्दा उनी ५२ रनमा आउट भएका थिए।
