प्रभास र सैफ अली खानको बहुप्रतिक्षित फिल्म ‘आदिपुरुष’ कमजोर भीएफएक्सका कारण चर्चामा छ । यो फिल्मको टिजर रिलिज भएदेखि नै सामाजिक सञ्जालमा निकै ट्रोल भइरहेको छ । निर्माताले जनताको धार्मिक भावनामा ठेस पुर्याएको आरोप पनि लगाइएको छ । जसका कारण फिल्मको विवाद बढ्दै गएको छ ।
राजनीतिज्ञहरू समेत यो विवादमा परेका छन् । यस्तो अवस्थामा ठूलो प्रश्न उठेको छ, के निर्माताहरूले फिल्ममा भीएफएक्स परिवर्तन गर्छन् ?हालै सार्वजनिक ‘आदिपुरुष’ को टिजर पौराणिक पात्रको चित्रणलाई लिएर विवादमा तानिएको हो ।
टिजर रिलिज भएदेखि, मानिसहरूले यसको भीएफएक्सलाई लिएर आलोचना गरिरहेका छन् । लगातार ट्रोलपछि पनि, निर्माताहरूले भीएफएक्स परिवर्तन हुने संकेत गरेका छैनन् । स्मरण रहोस्, आदिपुरुस जनवरी १२, २०२३ मा रिलिज हुँदैछन् । ‘आदिपुरुष’ मा साउथका सुपरस्टार प्रभास मुख्य भूमिकामा छन् ।
यस फिल्ममा प्रभास भगवान रामको भूमिकामा देखिनेछन् भने सैफ अली खानले रावणको भूमिका निर्वाह गरेका छन् । रावणको चरित्रलाई लिएर पनि धेरै हंगामा भएको छ । विशेषगरी रावणको भीएफएक्सलाई लिएर मानिसहरूले आफ्नो असन्तुष्टि व्यक्त गरिरहेका छन्। योसँगै भगवान् हनुमानको भूमिकालाई लिएर पनि असन्तुष्टि देखिएको छ । कृति सेननले ‘आदिपुरुष’ मा सीताको भूमिका निभाएकी छिन् ।
१०० करोडमा बेचेको तेलुगु राइट्स
‘आदिपुरुष’ लाई ओम राउतले निर्देशन गरेका हुन् । फिल्म रिलिज हुनुअघि नै यसको तेलुगु राइट्स युभी क्रिएशन्सले १०० करोडमा किनेको थियो। विवादमा फसेपछि प्रभासको फिल्म ‘आदिपुरुष’ ले बक्स अफिसमा कस्तो कमाई गर्छ त्यो हेर्न रोचक हुनेछ । तर, फिल्मलाई लिएर चलिरहेको विवादले यो फिल्मप्रति दर्शकको चासो बढाएको छ ।
