नेपालमा मेसीका नाममा ९ ग्रहको पूजा

नेपालमा मेसीका नाममा ९ ग्रहको पूजा

नेपालमा विश्व उत्कृष्ट फुटबल खेलाडी  मेसीलाई मन पराउनेको संख्या अत्यन्तै ठुलो छ। उनलाई आदर्श मान्नेहरुको त कुरै छाडौं पछिल्लो समय पुजा गर्नेहरु समेत भेटिन थालेका छन्। यस्तै हेटौँडाका एक युवकले विश्वकपको उपाधिनजिक रहेको अर्जेन्टिनाका कप्तान लियोनल मेसीका नाममा ९ ग्रहको पूजा गरेका छन् ।

विश्वकपमा अर्जेन्टिनाको जित होस् र मेसीले जादुमय खेल देखाउन सकुन् भनेर हेटौंडा ११, स्थित नवलपुरका सागर घिमिरेले शनिबार घरमै पूजा लगाएका हुन् । समय चक्रमा ग्रहहरूका कारण गर्न खोजेका काममा वाधा अड्चनहरू आउने र सोचेको कामहरू नबन्ने भएकाले मेसीको ग्रह पूजा गरेको घिमिरेले बताए ।

उनले मेसीलाई विश्वकप जित्न ग्रहहरूले वाधा अड्चन नगरोस् भन्ने सोचेर पूजा लगाएको बताए । पूजा पण्डित बासुदेव आचार्यले गरेका छन् । कतारमा जारी विश्वकपको उपाधि रक्षाका लागि आइतबार राति मेसीको कप्तानीमा रहेको अर्जेन्टिनाले डिफेन्डिङ च्याम्पियन फ्रान्सको सामना गर्दैछ ।

Europass CV in Nepal

Europass CV in Nepal