भारतमा असफल भएको नायक अक्षय कुमार अभिनित फिल्म ‘राम सेतु’लाई नेपाल वितरकले आजबाट रिलिज गर्न लागेका थिए । भारतमा रिलिज भएको १० दिनपछि यो फिल्म नेपालमा रिलिज हुन लागेको थियो ।
तर, समयमै कागजपत्र पेश गर्न नसक्दा यो फिल्मको सेन्सरका लागि चलचित्र विकास बोर्डले अनुमति दिन सकेन । चलचित्र विकास बोर्डले कार्तिक १ गतेबाट लगाएको नयाँ नियम अनुसार कुनै पनि फिल्मले सेन्सर अनुमति प्राप्त गर्नका लागि एक साता अगाडि नै कागजपत्र पेश गर्नुपर्ने हुन्छ ।
तर, वितरक डीसीएनले एक साता अगाडि नै कागजपत्र पेश गर्न नसक्दा फिल्मको रिलिज रोकिएको हो । आजबाट बलिउड फिल्म ‘फोनभूत’ मात्र नेपालमा रिलिज भएको छ । अक्षय कुमार र ज्याकलिन फर्नान्डेज अभिनित यो फिल्म भारतीय बक्स अफिसमा नराम्रोसँग पिटिएको छ । तिहारमा रिलिज भएर पनि फिल्मले दर्शकको साथ पाउन सकेन ।
